Welkom op mien pagina

Hartelijk welkom op mien perseunlijke webpagina, gesjrieève nao de ideeën en gebroeken van d'r ouwe sjtempel. Ich hoop mèt d'r tied hie nog get inhoud tooè te kènne vooge.

Zoeè wie g'r kint zeen hub ich dees pagina op 't plat gesjrieève, get wat m'r neet zoeè vaak (of überhaupt) mieè zeen. Ich hub hiebie geprobeerd um de sjpelling van 't Sjömmerts aan te houwe.

Euver mich: in 't kort

Ich bèn d'r Jens, gebaore op d'r 16e Mieèrt 1998 in Haele. Op 't moment sjtudeer ich Chemie aan de RWTH te Aoke, en wirk bie Blokker (in d'r Makado te Bik). Mien vrieje tied sjpendeer ich 't leefste aan muziek make en mien vrung hèlpe mit bouw- en ander lichamelijk wèrk.

Perseunlijke Info: Laevensloop

Op d'r zèsteende Mieèrt 1998 bèn ich in Haele gebaore. Ich woeènde bès mien viefteende laevensjoar in Gebrook - sindsdeen woeèn ich in Sjömmert. Ich zoot in Gebrook op de basis- (De Regenboog) en middelbare sjaol ('t Sint-Janscollege), woeè ich 't Gymnasium hub gedaon. Daoropvolgend hub ich mich aangemeld veur de sjtudie B.Sc. Chemie, aan de RWTH in Aoke. Doer einige taegesjlaeèg hub ich drie jaor sjtudievertraging opgelaope, vanwoeè ich op 't moment nog ummer mèt dees sjtudie bezig bèn. Veuroetzichtelijk zou ich in 2022 miene Bachelor motte hubbe aafgesjlaote.

Tiedens mien middelbare sjaol hub ich bie d'r lokale supermarkt (d'r toen nog C1000 in Sjömmert) gewèrkt. Tusje mien middelbare sjaol en de universiteit in hub ich bie 't Kruidvat in Haele gewirkt, um nog einig zakcentje te kènne verdene veurdat ich aan mien sjtudie begoos. Tiedens mien sjtudie hub ich veur 't Sint-Janscollege bielèssen aan lierlingen gegaeve in de vakken Chemie, Duutsj, en Ingelsj. In laat 2019 hub ich dit ouch in opdracht veur StudyWorks gedaon. Sinds Oktober 2020 wirkte ich bie Blokker, wo ich net twie maonde koos volmake bis d'r Corona-lockdown versjerpt woerd. Sinds Mei 2021 is mien contract vanwaege de onziekerheed umtrent de Corona-crisis beëindigd.

Perseunlijke Info: Hobby's

In mien vrieje tied sjpiel ich 't leefste gitaar en bas, woebie ich veural leedjes van Green Day, Oasis, Guns N' Roses, Red Hot Chili Peppers en AC/DC sjpiel. Wiejer besjteed ich auch gaer tied aan 't ontdekke van Linux en angere 'nerdige' dinger, wie beveurbeeld sjterrenkunde en taole. Mien projecten zeen op mien GitLab pagina te vinge.